23 снежня ў Азярэцкай бібліятэцы музеі- этнаграфіі для вучняў пачатковых класаў было зладжана мерапрыемства па кнізе М.Маляўкі “Сядзіба, або Хата з матчынай душою”.

Хлопчыкі і дзяўчынкі даведаліся шмат для іх невядомага пра спадчыну беларусаў – сядзібу, якую атрымалі мы ад продкаў.Дзеці з цікавасцю слухалі пра інтэр'ер беларускай хаты,пра "чырвоны кут","бабін кут", іх значэнне для нашых продкаў.

У дадатак маленькія госці пачулі пра гісторыю сваёй маленькай радзімы – вёску Азярцы, пра знакамітых людзей гаспадаркі, былога ўладальніка маёнтка Азерцы – Аскерку. Бібліятэкар расказала як  жылі, працавалі, чым займаліся, якімі прыладамі працы карысталіся мясцовыя жыхары ў мінулым.

Далейшае знаёмства працягвалася ў музеі этнаграфіі. Удзельнікі мерапрыемства па чарзе выцягвалі цыдулькі з апісаннем старажытнага працоўнага дзеяння (напрыклад, змалоць зерне на крупы) і павінны былі знайсці ў этнаграфічным куточку прадметы працы, пры дапамозе якіх гэты працэс можна ажыццявіць.

Застаўся час і на гульню “Беларускія гаспадынькі”, падчас якой дзеці паказалі свае спрыт і ўменне.

Мышкоўская Т.А., 2016