У фондзе цэнтральнай бібліятэкі з’явілася выданне пісьменніка, паэта, публіцыста і перакладчыка Івана Стадольніка “Радзіма мая – гэта я” з аўтографам аўтара. Шчыры дзякуй аўтару за гэтую кнігу.
Іван Стадольнік нарадзіўся 12 верасня 1940 г. у в. Янкі Докшыцкага сельсавета. Пасля заканчэння медвучылішча (1963) працаваў зубным доктарам і выконваў абавязкі галоўнага ўрача Мосарскай сельскай бальніцы. Адначасова вучыўся на факультэце журналістыкі БДУ. У 1967-1971 гг. адказны сакратар, з 1971 г. загадчык аддзела сельскай гаспадаркі полацкай аб’яднанай газеты “Сцяг камунізма”. З 1980 г. рэдактар аддзела літаратуры, з 1984 г. адказны сакратар часопіса “Вожык”, з 1991 г. – часопіса “Тэатральная Беларусь”. Член Саюза пісьменнікаў Беларусі з 1980 г.
Вершы пачаў пісаць у школьныя гады, паэтычныя творы друкаваліся ў рэспупліканскіх газетах і часопісах з 1960 г. Аўтар зборніка сатыры і гумару “Як тут не смяяцца” (1985), празаічныч кніг “Хачу шчасця” (1979) і “Лістапад на пачатку лета” (1987), камедыі-фарса “Залатое вяселле” (1995).
Іван Стадольнік з’яўляўся карэспандэнтам і нашай раённая газеты “Шлях перамогі”. Пісаў артыкулы пра перадавікоў працы, ветэранаў вайны. На старонках газеты размяшчаліся яго нарысы, нататкі, агляды, вершы.
Дома
Хоць прайду я дарог нямала,
Ды ўсёж завітаю сюды,
Дзе пахне цыбуляй і салам
Віруючы з коміна дым.
І зноў як заўсёды, уранні
Мне мама сняданак падасць,
Стане лепшым ласуначкам дранік
І жывою - са студні вада.
Тады следу не будзе ад стомы,
Радасць сэрца пяшчотна кране:
Як пабудзеш хвіліначку дома -
Стане сіл у цябе ўдвайне.
