Масленіца - адно з самых радасных і любімых народных святаў . Яно азначае сабой развітанне з зімой і доўгачаканую сустрэчу вясны. Гэтае свята багата звычаямі і абрадамі, якія беражліва перадаюцца з пакалення ў пакаленне.

          20 лютага для вучняў Карабоўскай сярэдняй  школы работнікі бібліятэкі-клуба  правялі  фальклорнае свята “Масленица хороша – широка её душа” . Удзельнікі мерапрыемства  даведаліся пра значэнне кожнага дня масленічнага тыдня і пазнаёміліся з традыцыйнымі гульнямі і забавамі. У праграму ўвайшлі гульні: “Гарачы блін”, “Зрабі пудзела Масленіцы”, “Катанне на конях”. Дзеці адгадвалі загадкі пра Масленіцу, паўдзельнічалі ў бліннай віктарыне. У канцы свята ўдзельнікі мерапрыемства  папрасілі адзін у аднаго прабачэнне, павадзілі карагод пад песню “Бывай Масленіца ”.

         Вядома, не абышлося і без традыцыйнага святочнага стала, накрытага ў лепшых народных традыцыях: гасцей чакалі гарачая гарбата, румяныя бліны, абаранкі і цукеркі. На мерапрыемстве было шумна і весела. Усе, хто прыйшоў на святочныя гулянні, атрымалі масу задавальнення і зарадзіліся выдатным настроем. 

                                                                                        Культарганізатар Г.Чырвоная