Вясёлыя калядоўшчыкі завіталі ў вёску Бабічы і не абмінулі Бабічоўскую бібліятэку-клуб.

І гэта добрая прыкмета. Бо кажуць, што калядоўшчыкі не проста людзі, а пасланцы Бога, якія прыносяць радасць, дабрабыт і шчасце ў хату на ўвесь новы год. 

Госці бібліятэкі спявалі калядныя песні, танцавалі, вадзілі карагод і жадалі дабрабыту. А пажаданні былі вясёлымі і актуальнымі:  

"Дзе каза нагой, там кнігі стапой!"

"Куда каза рагом, туды чытач бягом!"

"Дзе каза нагой "топ", там чытач кніжку "хоп"!"

"Дзе Каза з сюрпрызам, там бібліятэка з прызам!"

"Прыйшлі з дарункамі Каляды – і дзеці новай кніжцы рады!"

Напяяўшыся і наскакаўшыся, звалілася з ног каза.

І якія кнігі ёй  не прапаноўвала бібліятэкар, каза не змагла падняцца. А вось як далі ёй сала -- то яна і ўстала! 

Калядны час прайшоў хутка, а бібліятэкар з чытачамі атрымалі добры і пазітыўны настрой! За што шчырае дзякуй работнікам аддзела ЦТК і НТ сектара культуры і ўдзельнікам народнага тэатра фальклору "Цярэшка".

 Вайткевіч Н.М., заг. Бабічоўскай сельскай бібліятэкі-клуба