Сімвалічна, што напрыканцы юбілейнага года (нагадаем, што Глыбокаму ў 2024-м споўнілася 610) у бібліятэцы адбылася сустрэча з вучнямі другой гарадской школы. Сустрэліся, каб пагутарыць пра гісторыю роднага краю, нагадаць пра лёсавызначальныя падзеі і щзгадаць разам мясцовыя цікавыя факты-цікавінкі!

Гістарычны экскурс “Глыбоччына. Памяць праз гады…” – пад такой назвай прайшло мерапрыемства, якое было падрыхтавана аддзелам абслугоўвання і інфармацыі Глыбоцкай цэнтральнай раённай бібліятэкі.

Паколькі сустрэча праходзіла 17 снежня, у День беларускага кіно, то бібліятэкар аддзела Людміла Якімовіч распачала імпрэзу з відэароліка пра Глыбоччыну.

Далейшая краязнаўчая гутарка (цікава ж дазнацца, што ведае пра маленькую радзіму юнае пакаленне) вядучай з васьмікласнікамі дапаўнялася тэматычнай медыяпрэзентацыяй і аглядам аднайменнай выставы.

Хоць з гістарычным экскурсам па Глыбоччыне юнакі і дзяўчаты знаёмяцца на школьных уроках і на музейных занятках, але родныя цікавінкі можна спазнаць і ў бібліятэцы. Згодны?

Аддзел абслугоўвання і інфармацыі Глыбоцкай ЦРБ.