Жыхары невялічкай вёсачкі Сяменчыкі ў адзін з вераснёўскіх дней былі запрошаны на Свята вёскі.

Свята сумесна падрыхтавалі  і правялі работнікі Ломашаўскага сельскага савета, Ломашаўскага цэнтра культуры, Ломашаўскай сельскай бібліятэкі  і  ДП "Ломашы-Агра".

Прадстаўнікі мясцовай улады і гаспадаркі выказалі добрыя словы падзякі вяскоўцам, узнагародзілі ветэранаў працы і гаспадароў лепшых вясковых падворкаў граматамі і падарункамі.

Супрацоўнікі цэнтра культуры прапанавалі гасцям музычную программу "Ад усёй душы!" 

У рамках святочнай праграмы актыўны ўдзел прыняла бібліятэкар Ломашаўскай сельскай бібліятэкі Марына Вадзімаўна Спасібёнак.

Яна прэзентавала краязнаўчую выставу "Мілыя вобразы роднага краю", распавяла прысутным пра цікаўную гісторыю невялічкіх Сяменчыкаў ад далёкай мінуўшчыны да сягоняшняга часу. 

Чытачоў вёскі Марына Вадзімаўна ўзнагародзіла невялічкімі сувенірамі -- фіта-чаямі ўласнага збору.

Свята адбылося прыгожым і душэўным.

Рыгор САКАЛОЎСКІ

Вёска

Нясу табе, мая да скону вёска,
Нібы да маці, радасць і журбу.
Настане час — абвесціць пагалоска,—
Калі ізноў я да цябе прыйду.

Звіняць між траў зязюльчыны слёзкі.
Ля дома прыпынюся, пастаю.
Бацькоўская крыніца, дзве бярозкі...
Я Беларусь усюды пазнаю.

Замлее сэрца, радасна заб'ецца,
На міг гукне мінулыя гады.
Скажы мне, вёска, як табе жывецца
Улетку ў спёку, ўзімку ў холаду?

Спынюся на падворку ля парога,
Пап'ю са студні роднае вады...
Ці доўга буду недзе я, дарога
Абавязкова прывядзе сюды!