Супрацоўнікі Запрудскага дома фальклору і бібліятэкі ў суполцы  актыўна займаюцца адраджэннем народнах святаў, абрадаў, традыцый і звычаяў. Прыклад таму  праведзеная 19 лістапада тэатралізаваная праграма “Калаўрот народных святаў”. Пачалося  мерапрыемства з калядоўшчыкаў з песняй “Добры вечар” у выкананні дарослага фальклорнага калектыву “Прасніца”.

Затым была Масленіца з блінамі, успомнілі самае вялікае і любімае свята -  Вялікдзень, адзначылі Талаку, адгулялі Дажынкі ды папалі на кірмаш.  Гучала музыка ў выкананні калектыва народных інструментаў “Запрудскія музыкі”, танцы  выконваў калектыў беларускіх народных танцаў “Каценька”, вадзіў карагоды і спяваў – дзіцячы фальклорны калектыў “Весялуха”.

       Вясковыя жыхары, а іх сабралася поўная зала,  з задавальненнем правялі вольны час, успомнілі народныя святы, паслухалі цудоўную беларускую  мову і музыку. Завяршылася свята словамі вядучага : “Шануйце, зберагайце, адраджайце свае традыцыі і перадавайце іх нашым дзеткам. Няхай і далей круціцца наша кола народных святаў”.

На завяршэнні мерапрыемства бібліятэкар запрасіла дзяцей у бібліятэку, дзе пазнаёміла з новымі кнігамі і паказала, як ажываюць малюнкі ў часопісах.

Гаравая Г.Р., бібліятэкар Запрудскай бібліятэкі

21 лістапада 2023 г.