Штогод  да Дня Незалежнасці Рэспублікі Беларусь Глыбоцкая цэнтральная раённая бібліятэка ладзіць ў парку Паэзіі паэтычныя сустрэчы. Прыемна, што парк стаў месцам, дзе над гладдзю возера гучаць цудоўныя паэтычныя творы глыбоцкіх літаратараў.

Паэтычная арт - сустрэча “Льецца верш над роднаю старонкай “, якая сабрала аматараў паэзіі  3ліпеня 2023 года, была прысвечана Году міра і стварэння. На мерапрыемства былі запрошаны самабытныя паэты, якіх ядноўвае адно: любоў да сваёй краіны, народа, да Радзімы,да сваёй сям’і.

Шчыра і пранікнёна расказала пра сваё жыццё Ганна Фёдарава, якая працуе настаўніцай пачатковых класаў у ДУА  “Карабоўская сярэдняя  школа Глыбоцкага раёна імя Р.І.Мацеюна”. Прачытала свае вершы, напоўненыя лірыкай, любоўю да карабоўскай зямлі. Таксама на сустрэчу завітаў яе сын, Ігар Фёдараў. Ён павіншаваў сваю маці з удзелам у мерапрыемстве, і пачытаў верш, які прысвяціў усім жанчынам-маці, якія прыйшлі на мерапрыемства.       

Свае вершы, поўныя філасафічнага зместу падаравала прысутным Алена Татун, якая  жыве у вёсцы Карабы. Як прызнаецца сама жанчына, жыццёвае яе крэда - ісці наперад  наперакор цяжкасцям, не азірацца.  Алена Іосіфаўна атрымала адукацыю ў Мінскім тэалагічным тэхнікуме і працуе закрыстыянкай -катэхэткай у касцёле святога Ясафата Кунцэвіча вёскі Канстанцінава. Там яна кіруе хорам, які створаны пра касцёле.

Хочу вернуться вновь туда

В ту беззаботность и беспечность,

В те детства звонкие года

Что обещали длиться вечно!...

Такімі радкамі пачаў сваё выступленне Сяргей Лук’янёнак, супрацоўнік цэнтра банкаўскіх паслуг №208 АСБ “Беларусбанка”. Яго шчырыя, добрыя вершы,напоўненыя хараством любові, смутку пра мінулае і надзеі на светлае будучае   кранулі сэрцы гасцей і ўдзельнікаў мерапрыемства.

 Музычныя падарункі паэтам  падаравалі ўдзельнікі студыі паэтычнай творчасці “Сустрэчы для душы”, якая працуе пры цэтральнай раённай бібліятэцы. А для ўсіх прысутных прагучалі музычныя творы ў выкананні настаўніцы музыкі  Глыбоцкай дзіцячай школы мастацтваў Таццяны Мікалайчук.