29 мая 2022 года ў Глыбоцкай  цэнтральнай раённай бібліятэцы адбылася прэзентацыя новага зборніка песень Ганны Шакола “Акварэлі дзяцінства”. Знаёмства з новым выданнем прыўрочана да Года  гістарычнай памяці і Міжнароднага дня абароны дзяцей.

Зборнік складаецца з песень для дзяцей на вершы паэтаў Глыбоччыны.  На мерапрыемства былі запрошаны дзеці з раённай гімназіі і навучэнцы нядзельнай школы пры касцёле Святой Тройцы ў Глыбокім, якія і выканалі цудоўныя песні.

Павіншаваць Анну Казіміраўну з выхадам зборніка прыйшлі настаўнікі гарадскіх школ, бацькі дзяцей, удзельнікаў канцэрта, першых публічных выканаўцаў новых музычных твораў.

З цікавасцю глядзелася відэапрэзентацыя пра жыццё і творчасць паэтаў, чые вершы сталі асновамі для змешчаных ў  зборніку песень.

Напрыканцы ўсе прысутныя  павіншавалі адзін аднаго з надыходам канікул, пажадалі адзін аднаму дабра, здароўя і  добрых уражанняў ад лета і цудоўных песень Ганны Казіміраўны "Каралева", "Вішнёвы баль"  

Інфармацыі аб мерапрыемстве на сайце газеты "Веснік Глыбоччыны".