22 чэрвеня наведвальнікі летняга школьнага лагера завіталі ў Шунеўскую бібліятэку на краязнаўчае знаёмства “Жытні хлеб ад бабы Сцешы”. Мерапрыемства прысвячалася носьбіту тэхналогіі выпечкі хлеба – Сцепанідзе Аляксандраўне Лупач. У 2013 годзе тэхналогіі выпечкі жытняга хлеба быў прысвоіны статус гісторыка-культурнай каштоўнасці Рэспублікі Беларусь.
Мерапрыемства пачалося з прагляда фільма “Традыцыйная тэхналогія выпечкі жытняга хлеба ў вёсцы Дзеркаўшчына. Жывая Культура”, які быў зняты для канала Беларусь 5. З аповеду бібліятэкара дзеці даведаліся, што Сцепаніда Аляксандраўна выпякала каравай да Дня беларускага пісьменства ў Глыбокім, для выстаў народнай творчасці, для сустрэчы замежных гасцей, напрыклад, удзельнікаў фестывалю хрысціянскіх фільмаў і тэлепраграм “Magnificat”, для Вішнёвага фестывалю. Настаяцель глыбоцкага сабора Раства Прасвятой Багародзіцы нават адвёз некалькі боханаў у Ерусалім. Гэтая жанчына не толькі зберагла рэцэпт выпечкі жытняга дамашняга хлеба, але і перадае набытак нашчадкам.
Далей адбылася гутарка па кнізе «Хозяин на каждом столе» з серыі «Маленький профессор». Даведаліся, што пячы хлеб пачалі ў старажытным Егіпце, што зямлю спачатку апрацоўвалі валамі, коньмі, каровамі, затым з’явілася першая тэхніка для апрацоўкі глебы і збора ураджаю. На старонках кнігі можна было ўбачыць параўнанне даўнейшай тэхнікі з сучаснай.
На заканчэнне сустрэчы было 
прапанавана прадоўжыць прыказкі пра хлеб,адказаць на пытанні віктарыны. Паспяхова справіўшыся з заданнем і атрымаўшы запас новых ведаў, дзеці ў добрым настроі пакідалі бібліятэку.
25.06.21г.
І. Нікіфаровіч, заг.бібліятэкі
