У  Івесьскай сельскай бібліятэцы  адбыліся сустрэчы з цікавымі людзьмі, прымеркаваныя да Году малой радзімы.

  У пачатку жніўня  ў   бібліятэцы  адбылася  сустрэча з Аксанай Лашкевіч , гаспадыняй аграсядзібы “Краіна мар ”, што знаходзіцца ў в.Хралы. Аксана займаецца развядзеннем коз і вытворчасцю сыроў з козьега малака. Прысутныя пачулі  цікавы аповяд пра жыццёвы шлях Аксаны  Лашкевіч, пра  яе шлях да казаводства і сыраробства. Асабліва ўсім спадабалася  прэзентацыя і дэгустацыя прадукцыі.

 6 жніўня ў бібліятэцы прайшоў майстар-клас па вырабе лялек-абярэгаў, які правяла дырэктар Сацыяльна-асветніцкай установы "Сямейны клуб" "Вясёлкавы церам " г. Мінска Канавалава Святлана Мікалаеўна. Яна распавяла пра гісторыю лялек-абярэгаў, для чаго яны прызначаліся, якія яны бываюць, якія традыцыі і ўмовы трэба выконваць пры іх вырабе. Усім удзельніцам мерапрыемства была прадастаўлена магчымасць зрабіць сабе абярэгавую ляльку-дзесяціручку, якая па легендзе дапамагае жанчынам у выкананні пяці жаданняў.