Часам  новыя формы работы  падказваюць самі чытачы. Вось і чарговае мерапрыемства -  прэзентацыя з дэгустацыяй  – гэта ідэя нашых чытачак. На працягу года  супрацоўнікі бібліятэкі  збіралі цікавыя рэцэпты і запісвалі іх для таго, каб аформіць матэрыял на тэму “Беларуская кухня з мясцовымі адметнасцямі”. На сустрэчы, прысвечанай Дню пажылых людзей, і нарадзілася ідэя правесці дэгустацыю гэтых рэцэптаў. Бібліятэкары такую задумку падтрымалі і ўжо ў лістападзе прыйшлі ў бібліятэку са сваімі “фірменнымі” блюдамі самыя актыўныя аматары-кулінары. Чаго толькі не прадэгусціравалі – гэта і блінная запяканка, селядзец пад “шубай” па-новаму, пельмені і варэнікі, бліны з пячонкай, салат-торт, курнік, дражджавая піцца, бутэрброды і шмат іншых страў. Кожны прадстаўляў сваё блюда, расказваў пра яго прыгатаванне.

У працэсе дэгустацыі гучалі вершы, урыўкі з паэм беларускіх аўтараў пра розныя стравы. Актыўна  дзельнічалі прысутныя  ў віктарыне паводле твораў У. Караткевіча пра назвы старадаўніх страў. Успаміналі песні, фільмы, назвы кніг, у якіх есць назва якой бы то ні было ежы, успаміналі прыказкі і прымаўкі пра хлеб, слухалі розныя цікавыя кулінарныя парады і давалі шмат сваіх. Паверце, было не толькі цікава, але і вельмі смачна!

Калі на свеце нехта дзесьці

Умее добра працаваць, –

То ўмее ён і смачна з’есці

І – адпаведна – згатаваць!

                               Н. Гілевіч

                                                     20.11.18.   заг. Шунеўскай бібліятэкі І.Ф. Нікіфаровіч