19 жніўня бібліятэкар Псуеўскай сельскай бібліятэкі і юныя чытачы правялі марш-акцыю "Память людская в бронзе и камне» з прыпынкамі ля помнікаў Вялікай Айчынай вайны. Такіх помнікаў на Псуеўшчыне 12.

Першым прыпынак на шляху марша  быў ля помніка 75 землякам, загінуўшым у час вайны, што знаходзіцца паобач з Псуеўскім Домам культуры. 

Далей шлях пралёг да помніка Герою Савецкага Саюза Казлову Пятру Міхайлавічу, ураджэнцу Псуеўскага краю. 

Брацкая магіла на вясковых могілках у Псуі, дзе пахаваны астанкі 40 воінаў і партызан, якія загінулі ў баях супраць нямецка-фашысцкіх захопнікаў у 1941-1944 гадах, была наступным прыпынкам для ўдзельнікаў марша.

Ля помніка-абеліска на месцы спаленай вёскі Вуглы, дзеці  пастаялі ў хвіліне маўчання, што стала данінай памяці 19-ці мірным жыхарам, расстраляным фашыстамі.

Ля кожнага з помнікаў дзеці з Чырвоных Зорак выкладалі слова “Спасибо!”

З кожным годам застаецца ўсё меней ветэранаў і сведкаў Вялікай Айчыннай Вайны. Удзельнікі марша-акцыі наведалі, на жаль, апошняга ветэрана, удзельніка партызанскага руху Навойчык Еўфрасінню Аляксандраўну. Яна падзялілася ўспамінамі пра той жудасны ваенны час. Дзеці прачыталі для яе вершы і ў знак удзячнасці падарылі Еўфрасінні Аляксандраўне сувенір, зроблены сваімі рукамі.

Вядомае выказванне «Хто не памятае мінулае, у таго няма будучыні» вельмі актуальна і па сённяшні час. А юным псуеўчанам, якія жывуць у самым цэнтры былога партызанскага краю, дзе найбольшая колькасць загінуўшых у вайну людзей па раёне, разбуральная моц вайны вядомая па лёсу кожнай сям'і псуеўшчыны. Ля кожнага з помнікаў дзеці дзяліліся сваімі ведамі або ўспамінамі аб тым тым, што чыталі ці чулі ад сваіх бацькоў або дзядуль і бабуль, пра Вялікую Айчынную вайну.

Зразумела, што марш-акцыя працягвалася не адну гадзіну і для мацавання цела і духа быў неабходны перапынак з "салдацкай кашай". А пасля завяршэння маршу яго ўдзельнікі пачаставаліся прысмакамі за "салодкім" сталом.

Мерапрыемствы такой фомы даюць юным сябрам бібліятэкі інфармацыю для роздуму, а бібліятээкару  –  новыя ідэі для далейшага развіцця краязнаўчай і ваенна-патрыятычнай работы бібліятэкі. Работнік Псуеўскай сельскай бібліятэкі ставіць сваёй мэтай праз розныя формы работы даць прачуць маладому пакаленню, што прыйшлося вынесці на сваіх плячах удзельнікам і сведкам Вялікай Айчыннай вайны.

Г.М.Паўлоўская, бібліятэкар Псуеўскай сельскай бібліятэкі