Прайшлі велікодныя святы, пакладзены за абразы пасвенчаныя вербачкі, з'едзены чырвоныя яйкі, але адчуванне ўзнёслай радасці засталіся ў душах, памяці і фотаздамках...

Гэтай радасцю дзеляцца работнікі Падсвільскай гарпасялковай бібліятэкі.На пасхальнай седміцы  яны запрасілі гасцей у бібліятэку на фальклорную вечарыну “Ён прыйшоў як чысты прамень – Вялікдзень!” Госці з задавальненнем дзяліліся традяцыямі сваёй сям' па падрыхтоўцы да сустрэчы Вялікдня, знаёміліся з перадапасхальнымі традыцыямі еўрапейскіх  краін, успомнілі і пагулялі ў пасхальныя гульні: “біткі”, “катанкі”, “раскруці яйка”, “пажаданні на яйках” і інш.

Вядучыя нагадалі неабгрунтавана забатую традыцыю “Валачобнікі” і далучылі да гэтай дзеі ўсіх госці  вечарыны. Спяваліся валачобныя песні, гучалі віншаванкі-вершаванкі і традыцыйнае пасхальнае “Хрыстос Уваскрос!”

Адначасова адбылася прэзентацыя выставы лазапляцення з цікавай назвай “Векавыя традацыі ў сучасным пераплёце”. Свае работы прадставілі глыбоцкія майстры Святлана Іванаўна Навойчык і Канстанцін Канстанцінавіч Васьковіч.

Прысутныя з цікавасцю разглядалі  работы, выкананныя з вялікім майстэрствам. Здзіўляліся вытанчанай тонкай ажурнасцю і так да канца паверылі ў тое, што вырабы створаны са звычайнай лазы...

Яцкоўская С.П., заг. Падсвільскай гарпасялковай бібліятэкі

22/04/2018