Напярэдадні Дня маці Шунеўская бібліятэка запрасіла юных чытачоў прыняць удзел у  стварэнні выставы-вернісажа “Паштоўка для мамы”. Бібліятэкар Таццяна Аксяновіч правяла майстар-клас па вырабе розных відаў паштовак. Дзяўчынкі з  ахвотай стваралі  свае віншаванні для любімых матуль. Усе паштоўкі атрымаліся вельмі прыгожымі і незвычайнымі.

Каляровая папера, алоўкі, клей, крыху фантазіі  - і атрымліваюцца яркія букеты і цудоўныя канверты. На сваіх вырабах дзяўчынкі напісалі добрыя словы для сваіх матуляў. У Дзень маці яны ўручаць ім свае паштоўкі.

За дапамогу ў стварэнні выставы-вернісажа бібліятэкары ўдзячны Протас Ганне, Тарарака Бажэне, Бука Злаце, Кісялевай Дамініцы і Мядзелец Віялеце.

Быць маці – гэта не толькі вялікае шчасце, але і цяжкая праца, вялікая адказнасць. Ва ўсе часы жанчына-маці была ахоўніцай сямейнага ачага, увасабленнем міру і згоды, сімвалам мудрасці.

Віншуем усіх мам са святам і жадаем, каб дзеці радавалі сваімі дасягненнямі і атульвалі вас клопатам і павагай!

                Я слаўлю мамы светлае імя –

                                                   Пяшчотнае, нібыта яблынь квецень.

                                                       Матулінага сэрца цеплыня

                                                       Нас сагравае лепш за ўсе на свеце.  М. Ляшчун

                                                                                                                                                 загадчык бібліятэкі І. Нікіфаровіч