Чарговае  пасяджанне клуба “Духоўны прыстанак” Празароцкай сельскай бібліятэкі прайшло ў форме віртуальнага падарожжа “Жыровічская абіцель –калыска беларускага праваслаўя”.  На аднаіменнай выставе  былі  прадстаўлены рэпрадукцыі малюнкаў Напалеона Орды “Жыровічы.Агульны від мястэчка.1865 г.”, “Жыровічы. Богаяўленская  і Крыжаўзвіжанская цэрквы.1876 г.”, фотаздымкі пач. ХХ ст., звесткі аб архітэктурных помніках Жыровіч з даведачных выданняў.

       Удзельнікі мерапрыемства здзейснілі экскурс  у гісторыю цудоўнага з’яўлення іконы Божай Маці Жыровіцкай і заснавання святой абіцелі, сучасным станам манастыра. Таксама было прапанавана азнаямленне з жыціем найпрападобнага мучаніка Серафіма Жыровіцкага (Рамана Раманавіча Шахмуця)(1901-1946 г.г.), дзейнасцю духоўнага асветніка айца Іаана (Маслава)(1932-1991 г.г.), павучаннямі іераманаха Іераніма(Коваля) (1879-1964 г.г.).

        Завяршылася мерапрыемства  праглядам  відэафільмаў «Жировичи. Пять веков истории», «Чудеса иконы Жировичской Божией Матери», «Самы стары манах Жыровіцкага манастыра», прысутныя змаглі быць сузіральнікамі Жыровічскага фэсту 2021года.

       4.06.2021г.Бурэнь В.І,,бібліятэкар Празароцкай с/б