На восеньскіх канікулах работнікі Шунеўскай сельскай  бібліятэкі запрасілі першакласнікаў на хвіліну бяспекі “Урокі Чырвонай Шапачкі”.

Дзеці яшчэ раз успомнілі пра правільныя паводзіны дома і на вуліцы, у грамадскім транспарце і на дарозе, у лесе і на вадаёме.

У госці да іх завітала Чырвоная Шапачка (бібіятэкар Т. Аксеновіч), якая прынесла не піражкі, а лэпбук  у выглядзе заплечніка “Моя безопасность”. У яго кожным аддзяленні знаходзяцца міні-ксеракопіі вокладак кнігі па бяспецы. А ўжо самі кнігі дзеці самстойна шукалі на паліцах бібліятэкі. У кішэнях лэпбука знаходзіліся заданні, якія трэба было выканаць першакласнікам.

Знаёмячыся з кнігамі пра бяспечныя паводзіны і выконваючы заданні, дзеці замацавалі свае веды і яшчэ раз усвядомілі, што бяспека – гэта жыццё і здароўе чалавека. Выконваючы ўсе правілы, можна засцерагчы сябе ад бяды, такой як пажар, дарожна-транспартнае здарэнне, удар токам, розныя траўмы і пашкоджанні.

Дзеці нагадалі Чырвонай Шапачцы як правільна тэлефанаваць у службу ратавання, як выклікаць пажарных, хуткую дапамогу і міліцыю.

Завяршылася сустрэча знаёмствам  з часопісам “Юный спасатель”.

                                                                         Заг. бібліятэкі І. Нікіфаровіч