Напярэдадні Сусветнага дня прафілактыкі СНІДу  ў Падсвільскай гарпасялковай дзіцячай бібліятэцы адбылася гадзіна праблемнай размовы "Узнать. Понять. Остановить”.

Аўдыторыя – вучні Падсвільскай музычнай школы, з якой дзіцячая бібліятэка цесна супрацоўнічае.

Пра што гутарылі? Пра сучасныя хваробы  -- СНІД, ВІЧ, наркаманія, алкагалізм. Бібліятэкар акцэнтавала ўвагу на тое, што  многія з іх  людзі набываюць самі, калі не выконваюць правілы здаровага ладу жыцця, не прытрымліваюцца разумных паводзін, вядуць небяспечныя стасункі з ненадзейнымі людзьмі і інш. 

Бібліятэкар зрабіла агляд кніг, якія распавядаюць юным чытачам пра СНІД: Г.В.Трафимова “Девочке Даше, мальчику Саше о беде по имени СПИД”, Л.Люс “Борьба со злом”, Г.В.Трафимова “Детям о СПИДе и докторе Неболите”  і інш. 

Школьнікі прагледзелі відэафільм "Знаменитости, умершие от СПИДа", паўдзельнічалі ў ролевых гульнях з мэтай пошуку выхаду з небяспечных  сітуацый.

Фарміраванне ўважлівых адносін да свайго здароўя пачынаецца з дзяцінства – асноўны пасыл вучням ад бібліятэкара.

Каляга А.І., загадчык Падсвільскай гарпасялковай дзіцячай бібліятэкі