Размова-папярэджанне “Не прокури своё здоровье”
18 лістапада ў рамках Сусветнага дня адмовы ад курэння для дзяцей сярэдняга ўзросту прайшла размова-папярэджанне “Не прокури своё здоровье”. Падчас мерапрыемства размова ішла аб актуальнай праблеме чалавецтва – табакакурэнні.Вядучая расказала дзецям аб гісторыі заснавання Сусветнага дня адмовы ад курэння. Навучэнцы падзяліліся сваімі думкамі аб курэнні, сумесна з бібліятэкарам вызначалі негатыўныя наступствы ад ужывання тытуня і новамодных вейпаў для арганізма чалавека, падлічылі фінансавыя выгады для людзей, якія не "смаляць цыгарку".
Узгадалі, што ў краіне ўведзена абмежаванне тытунекурэння. Дэкрэтам Презідэнта Рэспублікі Беларусь устаноўлены месцы, дзе забараняецца курэнне тытунёвых вырабаў, у прыватнасці, ва ўстановах аховы здароўя, адукацыі, культуры, спорту, на аб'ектах гандлю і бытавога абслугоўвання насельніцтва, у дзяржаўных органах і арганізацыях, у транспарце і інш.
Напрыканцы размовы для ўдзельнікаў была падрыхтавана навялікая гульня-віктарына “Мы супраць курэння”.
Аккампаніятр Карабоўскай сельскай бібліятэкі-клуба Чырвоная Г.А.
- 258