У Глыбоцкай дзіцячай бібліятэцы адбылася чарговая сустрэча ўдзельнікаў дзіцячага пазнавальнага клуба “Кнігавічок”. Для іх было праведзена мерапрыемства “Добрыя парады для вашага здароўя”. 
Дзеці адправіліся ў віртуальнае падарожжа па краіне “Здароўе”, дзе іх чакалі станцыі: “Крепышкино”, “Чистюлино”, “Зелёная аптека”, “Угадайкино”, “Весёлые зубки”. Гульні “Карысна – шкодна”, “Сакрэты чысціні”, “Прыродная скарбонка” і іншыя дапамаглі вучням пазнаёміцца з азбукай здароўя, фактарамі, якія ўплываюць на яго стан, і зразумець неабходнасць весці здаровы лад жыцця.
Да мерапрыемства “кнігавічкі” падрыхтавалі паведамленні: парады, рэцэпты, цікавыя сямейныя гісторыі. Напрыканцы мерапрыемства дзецям быў прадэманстраваны мультфільм аб шкодзе курэння і страшэнных наступствах, якія яно выклікае. Інфармацыя, якую вучні атрымалі падчас прагляду, моцна ўразіла іх і выклікала жаданне пазбавіць сваіх родных і знаёмых ад звычкі курэння. Да мерапрыемства была падрыхтавана тэматычная выстава “Усё пра тваё здароўе”.
Бібліятэкар Атвалка С. А.
