Работнікі Падсвільскай гарпасялковай бібліятэкі правялі творчы фейерверк  Людмілы Баброўскай "Рукам - работа, душы - радасць".

5 чэрвеня гасцямі бібліятэкі і  Людмілы Баброўскай сталі  ўдзельнікі велапрабегу, моладзь з горада Глыбокае.

З мэтай папулярызацыі здаровагу ладу жыцця і творчых захапленняў маладыя людзі зладзілі чарговы велапрабег, прыпынкам якога  стала Падсвільская горпасялковая бібліятэка. Яны сустрэліся з асобай, якая сваім жыццём і захапленнямі сцвярджае, што весці здаровы лад жыцця магчыма і цікава...

 Людміла Антонаўна -- актыўная чытачка нашай бібліятэкі.  Зусім  нядаўна мы праводзілі прэм’еру яе ўласнай кнігі “Святло маёй душы”. А зараз у яе з'явілася шмат новых захапленняў. Рухавіком яе захапленняў стала думка: “Пайду на пенсію, чым буду займацца?”  

У рэшце рэшт займаецца яна:

• зборам лячэбных траў
• фітачаямі
• фітакасметыкай
• вырабам кукламі - матанкамі
• дэкупажам бутэлек
• стварэннем араматычных цацак і цільдамі
• мылаварэннем

 Людміла Антонаўна чалавек, які заўжды шукае новае, цікавае, карыснае...  Сустрэча маладых глыбоачан і Людмілы Антонаўны была цікавай і пазнавальнай.