27 снежня Карабоўская сельская бібліятэка-клуб сумесна з Карабоўскай сярэдняй школай правялі ў памяшканні школы тэатралізаваны навагодні ранішнік для вучняў 1-4 класаў.

Само свята прайшло весела і цікава. Вядучыя запрасілі дзяцей у чароўны свет казкі, у якім Баба Яга і Кікімара хацелі сапсаваць дзецям свята і для гэтага зачаравалі Дзеда Мароза і Снягурачку.

Школьнікі, дзяўчынкі і хлопчыкі разам са Снегавіком і  Зайцам  Мілай адправіліся ў падарожжа  па чароўным лесе ў пошуках галоўных герояў.  На сваім шляху яны сустрэлі Снежную Каралеву і Разбойніцу, выканалі шмат розных заданняў. Дзеці спявалі песні, таньчылі, адгадвалі загадкі, ”лёталі“ на мятле з Бабай Ягой і Кікімарай, удзельнічалі ў музычным батле. У выніку  чары былі разбураныя, а Дзед Мароз і Снягурачка –  выратаваныя! Затым  ўдзельнікі свята танчылі, чыталі вершы Дзеду Марозу, вадзілі карагоды. 

А на развітанне хлопчыкі і дзяўчынкі атрымалі ад Дзеда Мароза і Снягурачкі салодкія падарункі.