Завяршаецца першы летні месяц , пара канікул і адпачынку, а бібліятэкары Падсвільскай дзіцячай бібліятэкі прыкладваюць усе намаганні, каб юныя наведвальнікі цікава і карысна праводзілі свой вольны час.

З задавальннем дзеці ўдзельнічалі ў літаратурнай гульні “Кот Матроскін вучыць беражлівасці”. Падчас мерапрыемства дзяўчынкі і хлапчукі здзейснілі літаратурна-эканамічную вандроўку па маршруце ў Прастаквашына, дзе адказвалі на пытанні віктарыны “Па казачным сцяжынкам”, адгадвалі загадкі  на тэму беражлівасці, падзяліліся сваімі парадамі як трэба асцярожна адносіцца да кніг.   Напрыканцы дзеці дружна паглядзелі мультфільм “Казка пра страчаны час”.

   Да 75 - годдзя вядомага  беларускага пісьменніка, перакладчыка, публіцыста, крытыка Анатоля Бутэвіча супрацоўнікі бібліятэкі падрыхтавалі  кніжную паліцу “На далонях вечнасці” і правялі гучнае чытанне з абмеркаваннем казкі “Прыгоды памаўзлівай Рыскі”. Юныя карыстальнікі  пазнаёміліся з кароткай біяграфіяй  і творчасцю пісьменніка, яго творамі, некаторыя  ўзялі пачытаць.

22 чэрвеня - Дзень памяці і смутку. Да гэтага дня бібліятэкары прымеркавалі  гадзіну франтавога ліста “Я пішу табе з вайны…”. Падчас мерапрыемства дзеці даведаліся пра гісторыю з'яўлення “салдацкага трохвугольніка”, пра ваенна-палявую паштовую службу. Былі зачытаны лісты ваенных гадоў.   Напрыканцы мерапрыемства  бібліятэкары правялі майстар - клас па майстраванні салдацкага трохвугольніка . Дзеці склалі трохвугольныя лісты і напісалі словы падзякі невядомаму салдату.