У рамках Тыдня дзіцячай кнігі ў Празароцкай сельскай бібліятэцы праведзены бібліятэчны тэатр кнігі па казцы “Збанок–церамок”.

Цікавым і займальным атрымалася прадстаўленне. У ходзе  казкі  Дзед-Усявед пазнаёміў прысутных з насельнікамі збанка-церамка. Тут былі  і зайчык-паскакайчык, і ліса-краса, і воўк–зубамі шчоўк, і мядзведзь касалапы, і мышка-нарушка. Героі казкі маляўніча расказалі і паказалі, як яны ў збане жылі, як гаспадарку вялі, хто чым займаўся...  

Усе разам адгадвалі загадкі, чыталі вершы, знаёміліся з кнігамі з літаратурнага  кошыка.

Дзеці з задавальненнем і карысцю бавілі свой вольны час.

Ролі казачных герояў выканалі Таня Шаўко, Шчаўкун Максім, Кухта Яраслаў. У ролі Лісічкі-хітрунні і Мышкі-нарушкі выступілі Анжэла і Давід.

Гэта было першае выступленне юных артыстаў, так бы мовіць, генеральны прагон, бо ў хуткім часе яны будуць выступаць на школьнай сцэне... 

Сабачэўская А.В., бібліятэкар Празароцкай сельскай бібліятэкі, 2017 г.