26 ліпеня ў рамках Вішнёвага фестываля студыя паэтычнай творчасці "Сустрэчы для душы" пад кіраўніцтвам бібліятэкара Жанны Юркевіч была запрошана на рандэву з Вішнёвай каралевай.

“У гасцях у Вішнёвай каралевы” былі прыезжыя госці фестываля,  мясцовыя артысты, жыхары Глыбокага. Сустрэча праходзіла весела і карысна.  Было шмат гульняў - шашкі, пазлы, размалёўкі, дартс, была цікавая канцэртная праграма, удзельнікам якой стала і студыя паэтычнай творчасці “Сустрэчы для душы”. Вакальная група студыі выканала песні “Глыбоцкі вальс” і “А у Глыбоцкім садзе вішня расцвіла”.

  ***

Другі год запар сяброўкі студыі вараць фестывальнае вішнёвае варэнне Вараць з вішань глыбоцкіх, сакавітых, духмяных, прыпраўляюць іх водарам мяты (у мінулым годзе гэта быў хіт!) і не толькі, падаюць яго з вясёлымі гісторыямі, песнямі і вершамі.

На сёлетні конкурс было  прыгатавана тры віды варэння - “Спешунок”, “Шпачок Славік” і “Страла Амура”. Да яго дадалі тварожнае пячэнне і халодную вішнёвую гарбату.

Таксама былі падрыхтаваны і раздрукаваны рэцэпты варэння ад чытачоў бібліятэкі. Удзельнікі вакальнай группы паэтычнай студыі “Сустрэчы для душы” выканалі некалькі песень на вішнёвую тэматыку.

 Уразілі гэтым і журы на чале з Вішнёвай каралевай і Мюнхгаўзенам, і гасцей фестывалю. І таму занялі ганаровае  месца – прызавое трэцяе!

Да таго ж і ў кадр сталічных тэлеаператараў трапілі

Паглядзіце, як гэта было, у відэасюжэце, знятым Сталічным ТэлеБачаннем на "Вішнёвым фестывалі" ў Глыбокім!