Галубіцкая бібліятэка – сапраўдны інфармацыйна-асветніцкі цэнтр. У бібліятэцы пастаянна дзейнічаюць кніжныя выставы, тэматычныя паліцы,  сталы даведак на актуальныя тэмы.

Праводзяцца рознатэматычныя масавыя мерапрыемствы  як для дзяцей, так і для дарослых.

Для самых маленькіх наведвальнікаў бібліятэкар Дубіна Марыя Фларыянаўна  падрыхтавала фальклорныя пасядзелкі ”Загадкі сеем, як зярняты, каб ураджай сабраць багаты”.

Юбілейны агляд “Творы, што кранаюць сэрцы”,  прымеркаваны да юбілейных дат  Е.Лось, А.Ставера, М.Лынькова, сабраў  дзяцей сярэдняга і старэйшага ўзросту і даў шмат карыснай інфармацыі пра вядомых беларускіх майстроў слова.  

Усіх, хто цікавіцца часопісам “ Алеся”, а гэта былі ў асноўным маладыя сем’і,  бібліятэкар запрасіла на прэс-сустрэчу “У любімага часопіса юбілей”. Наведалі  чытаючыя сем’і і гадзіну мастацтва “Ілья Рэпін – жівапісец, графік, педагог”.

Бюро літаратурных навінак “Беларускія імёны і творы на старонках  беларускага часопіса “Полымя”  праведзена для чытачоў аддаленых вёсак.

У велапрабезе  “Я буду долго гнать велосипед”,  які арганізавала бібліятэкар,  удзельнічалі  дзяці  і дарослыя.

Татарчук А.М., заг. АБМ Глыбоцкай ЦРБ, 13.12.2019