На мінулым тыдні ў Празароцкай сельскай бібіліятэцы цікава і займальна прайшла акцыя-конкурс “Асалода чытання”

Юныя чытачы выразна, з інтанацыяй, чыталі вершы вядомых і мясцовых аўтараў, вершы, якія вучаць дабрыні, yепагаснай любові да Бацькаўшчыны, павазе да старэйшых людзей. Кожны вучань стараўся паказаць сваё ўменне дасканала выразна чытаць, мастацкі валодаць словам.

А потым школьнікі ўдзельнічалі ў вясёлай гульне-віктарыне, дзе спатрэбілася добрае веданне прыказак і прымавак, загадак, трапных выказванняў.

У канцы акцыі былі падведзены вынікі чытання і прызамі адзначаны лепшыя чытачы: Шаўко Валерыя, вучаніца 7 кл., Астанкін Сяргей і Шчаўкун Максім, вучні 4 кл.,  Шаўко Таццяна і Шаўко Ілля, вучні 3класа. 

Удзельнікі мерапрыемства з задавальненнем бавілі час у бібліятэцы  і прыйшлі да высновы, што чытаць  – карысна і прыемна!

2 красавіка 2018 г.

Сабачэўская А.В., бібліятэкар Празароцкай сельскай бібліятэкі