На гэтым тыдні члены пазнавальнага клуба “Кнігавічок” былі запрошаны на вусны часопіс “Все работы хороши – выбирай на вкус”, які адбыўся  ў Глыбоцкай дзіцячай бібліятэцы.

Спачатку ўдзельнікі прагледзелі музычны кліп “Все профессии важны”, які нагадаў тэму сустрэчы. Усе “кнігавічкі” выступілі з падрыхтаванымі паведамленнямі на тэму “Вось вырасту і стану…”.

Дзеці актыўна абмяркоўвалі перавагі і асаблівасці розных прафесій, дзяліліся сваімі марамі аб будучай прафесіі, расказвалі пра працу сваіх бацькоў. Было бачна, што многія ганарацца працай сваіх бацькоў і маруць  набыць тую ж прафесію. Амаль усе суправаджалі свае пісьмовыя работы малюнкамі. Вызначылася, што інтарэсы і мары рабят вельмі разнастайныя – ёсць будучыя ўрачы, парыкмахеры, будаўнікі, дальнабойшчыкі, ветэрынар, повар, візажыст, блогер і, нават, вадалаз. Кожны выступаючы вызначаў, якія якасці ўласцівы іх прафесіі і якія рысы ім патрэбна будзіць развіваць у сабе для дасягнення сваёй мары.

Далей для наведвальнікоў быў зроблены агляд мастацкай і пазнавальнай літаратуры на тэму “Все профессии важны”. Паўдзельнічалі ў тэматычных гульнях і віктарынах, адгадвалі загадкі, рашалі крыжасловы і нагадвалі пасловіцы аб працы. Напрыканцы ўсе з задавальненнем праспявалі пад караоке песню “Профессии”.

Атвалка С.С., бібліятэкар, кіраўнік клуба