Лявонцій Іосіфавіч Ракоўскі. Пісьменнік, член Саюза пісьменнікаў СССР. (1895 - 1979).

            Нарадзіўся  ў мястэчку Глыбокае Дзісенскага павета Віленскай губерніі. Вучыўся ў Кіеўскім універсітэце. У час Грамадзянскай вайны служыў у радах Чырвонай Арміі. У 1922 г. паступіў у Петраградскага ўніверсітэт.

            Пісаць апавяданні і вершы пачаў з дзяцінства. У сярэдзіне 1930-х гадоў Л.Ракоўскі абраў у літаратуры свой пісьменніцкі шлях - гістарычны жанр. Незадоўга да пачатку Вялікай Айчыннай вайны з’явіўся раман Ракоўскага “Генералісімус Сувораў”. Раман стаў першым у трылогіі аб вялікіх рускіх палкаводцах.

             У гады Вялікай Айчыннай вайны Л.Ракоўскі быў ваенным карэспандэнтам, супрацоўнікам франтавой газеты “На варце Радзімы” і газеты народнага апалчэння “На абарону Ленінграда”.

 У 1943 годзе Ракоўскі на аснове ўспамінаў членаў сям’і і баявых сяброў партызана Канстанціна Заслонава напісаў аповесць “Кастанцін Заслонаў”.

Прыкладна ў гэты ж час ён працаваў над другой кнігай трылогіі – раманам “Адмірал Ушакоў”, які пабачыў свет у 1952 годзе.

Завяршыў трылогію  раман “Кутузаў”, надрукаваны ў 1960 годзе.

Тэме грамадзянскай вайны Ракоўскі прысвяціў дзве кнігі – “Франтавая азбука” і “Міхаіл Тухачэўскі” (1964).
Падрабязней

 У фондзе Глыбоцкай ЦРБ маюцца наступныя выданні нашага земляка:

• Раковский, Л. Фронтовая азбука : рассказы о советских полководцах / Л. Раковский. – Л. : Дет. лит., 1968. – 119 с., ил.
• Раковский, Л. Кутузов : роман. – Л. : Лениздат, 1971. – 664 с.
• Раковский, Л. Генералиссимус Суворов : роман, рассказы. – Л. : Лениздат, 1971. - 558 с.
• Раковский, Л. Адмирал Ушаков : роман. – Калининград : Янтарный сказ, 1996. – (Ратная слава России)
• Раковский, Л. Зелёная Америка. – Мн. : 2000. – 54 с.
• Ракоўскі, Л. Канстанцін Заслонаў: аповесць. – Мн. : Маст. літ., 1976.