У Глыбоцкай раённай бібліятэцы адбылася прэзентацыя паэтычнага зборніка Яўгеніі Станіславаўны Бартко "Калейдоскоп души моей".

Яўгенія Станіславаўна ўсё жыццё працавала настаўніцай Кіраўскай сярэдняй школы. Аднак, толькі з выхадам на пенсію яна змагала поўнасцю раскрыць свой паэтычны талент. Доўгі час слухачамі вершаў былі толькі родныя - сёстры, брат, дзеці і ўнукі. Зборнік выйшаў  дзякуючы яе вучням, выпускнікам 1975 года, класным кіраўніком якіх Яўгенія Станіславаўна была. З нагоды 40-годдзя заканчэння школы яны вырашылі зрабіць падарунак любімай настаўніцы - друкаваны зборнік яе вершаў.

Мерапрыемства адбылося вельмі цеплым і жыццярадасным. Яўгенія Стнаніславаўна распавяла пра пра сваё жыццё,чытала вершы, якія ўсе прысутныя адзначылі як вельмі светлыя і лёгкія. 

Пра гераіню мерапрыемства вельмі цёпла гаварылі яе былая калега Елізавета Міхайлаўна Дзмітрыева, бібліятэкар Абрубскай сельскай бібліятэкі Леакадзія Міхайлаўна Ільюшчанкава, былы вучань Пётр Сямёнавіч Нікіцін.  З душэўнасцю прачытала вершы Яўгеніі Стнаіславаўны ўнучка Віка. Напрыканцы госці мерапрыемства выканалі для Яўгеніі Станіславаўны песню.