ДАЛЕНГА-МАСТОВІЧ ТАДЭВУШ(1898 – 1939) – польскі пісьменнік, журналіст. 

Нарадзіўсяу маёнтку Акунёва на Глыбоччыне. Скончыў Віленскую гімназію. Жыў у Варшаве.

У сярэдзіне 1920-х гг. пачынаецца яго кар'ера як журналіста, фельетаніста, пісьменніка. Найбольшую вядомасць прынесла аўтару публікацыя рамана «Кар'ера Нікадыма Дызмы», дзе была вострая сатыра на рэжым Пілсудскага.

У 1934 г. пачынаецца супрацоўніцтва Т. Мастовіча з кінематографам. Да 1939 г. з 16 яго твораў было экранізавана 8. У 1937 – 38 гг. з'яўляюцца найбольш папулярныя творы – сцэнарыі для фільмаў: «Іх дзіця», «Тры сэрцы», «Прафесар Вільчур».

Галоўным маральным стрыжнем твораў Мастовіча з'яўляецца перамога дабра над злом. Апошняя аповесць «Дзённік пані Ганкі", якую рэцэнзенты паставілі вышэй папярэдніх твораў, з'явілася ў 1939 г. У ёй апісваецца жыццё «вышэйшых сфер» тагачаснага польскага грамадства, раскрываецца яго інтэлектуальная i маральная пустата. Усяго ў даваенны час у Польшчы было выдадзена 16 твораў Т. Даленгі-Мастовіча.

Фонд Глыбоцкай ЦБС прапануе чытачам наступныя выданні Т.Даленга-Мастовіча.

Доленга-Мостович, Т. Дневник пани Ганки (Дневник любви) : повесть. – Мн. : Полымя. 2001. – 320 с.

Доленга-Мостович, Т. Знахарь : роман. – Мн. : МЕТ, 1994.– 496 с. : ил. – (Любовный роман)

Доленга-Мостович, Т. Профессор Вильчур : роман. – Мн. : МЕТ, 1994.– 496 с. : ил.   (Кинороман)