Глыбоцкая ЦРБ атрымала новыя нумары літаратурна-мастацкага часопіса "Верасень". Па прызнанню галоўнага рэдактара часопіса Эдуарда Акуліна "Часопіс "Верасень" ствараўся як стартавая пляцоўка для маладых літаратараў". Вельмі прыемна, што на старонках "Верасня" друкуюць свае творы нашы землякі.
Ганна Рудак
Паэтка. Нарадзілася ў 1989 г. у в.Бортнікі Глыбоцкага раёна. Скончыла філалагічны факультэт БДУ. Жыве ў Бараўлянах.
У часопісе Ганна Рудак прадставіла нізку сваіх вершаў, якія раскрываюць своеасаблівы погляд дзяўчыны на свет.
...Гэта тонка і так пластычна,
Вельмі моцна і меладычна.
Гэта быццам цябе ратуюць
Ад таго, што цябе пачуюць.
Гэта ты называеш каханнем,
Гэта ты называеш болем...
Ты губляеш свае адчуванні,
Адпускаеш сябе на волю.
Рудак Г. Застацца сабой // Верасень. - 2013. - № 2 (9). - С. 20 – 25
Віталь Воранаў
Празаік, перакладчык. Нарадзіўся ў 1983 г. у Мінску. Вучыўся ў СШ№2 г.Глыбокае (1991—1995). Жыве ў Чэхіі. Пераклаў усім добра вядомую казку англійскага пісьменніка А.Мілна "Віні-Пух і ўсе-усе-усе" на беларускую мову.
"Жыцце Камп'ютара". Так можна ахарыктарызаваць невялікія апавяданніВіталя Воранава , у якіх пісьменнік раскрывае зносіны Мышкі, Клавіятуры, Батарэі і Адаптара, Манітора і Працэсара. Ведаеце, а камп'ютар і сапраўды жывы!..
Воранаў В. Апавяданні // Верасень. - 2010. - № 1 (2). - С. 80 – 86
Успаміны з дзяцінства – вёска, фэст у Мосары, першыя пачуцці – у апавяданнях Віталі Воранава "Развітанне" і "Святы Юзаф-рамеснік".
Воранаў В. Развітанне. Святы Юзаф-рамеснік: апавяданні // Верасень. - 2013. - № 2 (9). - С. 82 – 87
Юры Усціновіч
Паэт, перакладчык, драматург, сцэнарыст. Нарадзіўся ў в.Прошкава Глыбоцкага раёна ў 1975 г. Скончыў гістарычны факультэт БДУ. Жыве ў Мінску. Аўтар гістарычных дзіцячых кніг "Яська і конік яго Грыўка", "Майстра Рукша".
Драматычная містэрыя Юры Усціновіча"Яшчур" свярджае веліч сапраўднага кахання. Дзеля жыцця любага дзяўчына гатовая аддаць свой лёс ва ўладу пачвары, нягледзячы на папярэджанні:
А ў дзень сустрэчы беражыся!
Калі кране цябе твой Ян,
То ўвобміг скамянее!
Такая мая воля!..
***
І спраўдзіўшы наканаванне,
Ян валуном маўклівым стаў.
Такога гора не стрываўшы,
Яніна стала ручаём.
Усціновіч Ю. Яшчур : драматычна містэрыя // Верасень. - 2010. - № 1 (2). - С. 114 – 127
З творамі нашых землякоў можна азнаёміцца ў чытальнай зале Глыбоцкай ЦРБ.
