85 гадоў Глыбоцкаму раёну

З 18 сакавіка ў Глыбоцкім раёне ідзе марафон “Глыбоччына: 85 гадоў гісторыі і дасягненняў”, прысвечаны юбілею нашага роднага краю. У рамках марафона кожны сельсавет стварае для агульнага дэкаратыўнага пано фрагмент, аздоблены сваім мясцовым сімвалам. У канцы марафона фрагменты будуць аб’яднаны ў адзіны мастацкі твор.

Марафон стартаваў у Пліскім сельсавеце, а фінішыруе ў Празароках.

Днямі марафон сустракалі ў Залескім сельсавеце. Мерапрыемства прайшло ў мясцовай школе. Са словамі прывітання да ўдзельнікаў творчага працэсу звярнуліся Вера Цяліца, старшыня раённага Савета дэпутатаў, Таццяна Гаўрылава, начальнік аддзела адукацыі райвыканкама, Віктар Дубаўка, намеснік дырэктара УП “Мярэцкія”, дэпутат раённага Савета дэпутатаў.

Аб працэсе стварэння дэкаратыўнага фрагмента распавялі культработнікі -- загадчык Запрудскага Дома фальклору Анжэла Жалткевіч і бібліятэкар Запрудскай бібліятэкі Ганна Гаравая, якія старанна вывучалі лапікавае шыццё.  Дапамагалі ім у гэтым майстры Глыбоцкага дома рамёства. 

Цэнтральным фрагментам работы стала фотавыява аднаго з сімвалаў Залесчыны – царквы Пакрова Прасвятой Багародзіцы ў в. Бушыкі. 

Фрагмент пано быў урачыста перададзены В. М. Цяліца.