На пачатку мая 2017 года ў Глыбокім пройдзе І-ы Міжнародны фэст дударскіх рэгіёнаў «Дударскі рэй».

Фэст пачнецца са Сквера знакамітых землякоў, ускладання кветак да помніка І.Буйніцкаму, у трупе якога быў музыка-дудар.

Далей на Цэнтральнай плошчы адбудзецца выступленне дудароў з Беларусі і іншых краін бліжэйшага і далёкага замежжа.

Напрыканцы фэсту ў Глыбоцкай цэнтральнай раённай бібліятэцы пройдзе ўрачыстае адкрыццё пастаяннай выставы, прысвечанай дудзе ў беларускай літаратуры.

Сярод арганізатараў свята - Віталь Воранаў, які ўжо неаднаразова выступаў перад жыхарамі Глыбоччыны не толькі як літаратар, але як дудар. 

24.03.2017 г.