У снежні 2021 года ў раённай газеце “Веснік Глыбоччыны” пад рубрыкай „Страчаная спадчына” Віталь Воранаў апублікаваў чарговы артыкул аб дударскай Глыбоччыне  „Дуда Ігната Буйніцкага”.

А фонд Глыбоцкай раённай бібліятэкі ў мінулым 2021 годзе папоўніўся новымі выданнямі дударскай тэматыкі.

На паліцах бібліятэкі з'явілася кніга У пошуках папараць кветкі... : з народнапаэтычнай спадчыны .— Мн. : Бел. навука, 2021. — 303 с., іл.  У кнізе на на беларускай, кітайскай і англійскай мовах прадстаўлены беларускія легенды і паданні, якія раскрываюць паэтычны погляд беларусаў на стварэнне Сусвету, узнікненню  прыродных з'яў і аб'ектаў, паходжанні назваў мясцовасцей і паселішчаў...

Змешчаныя ў кнізе легенда "Адкуль Капыль" і паданне "Лесавік і вадзянік" праілюстраваны малюнкамі з выявамі дудароў.

Часопіс Жэўжык : забаўляльны альманах для кемлівых дзяцей: для малодшага і сярэдняга школьнага ўзросту. — Мн.: Кнігазбор, 2021. — 51 с.

 Цудоўны свет музычных інструментаў нашай краіны раскрываецца юным чытачам з дапамогай коміксаў, крыжаванак, майстар-класаў, круцігаловак і размалёвак!

Часопіс "Жэўжык" і кніга "У пошуках папараць кветкі..." спрыяюць развіццю ў вашых дзяцей фантазіі і цікаўнасці, знаёмству з таямнічым і загадкавым светам беларускай культуры.

Прывучайце дзяцей з маленства да якасных тэксаў і выданняў !