Як вядома, 2016 год аб'яўлены Годам культуры.

Таму ёсць нагода кожнаму, хто цікавіцца станам і развіццём культуры Беларусі, у тым ліку кнігамі, чытаннем, бібліятэчным жыццём,  выказаць свае меркаванні або пазнаёміцца з меркаваннямі іншых людзей.

Прапануем усім, для каго кніга і бібліятэкі застаюцца значнымі, або састарэлымі паняццямі, артыкул былога міністра культуры Беларусі, пісьменніка Анатоля Бутэвіча "Бібліятэка — не кніжны склад, а месца сустрэчы людзей".

Арткул Анатоля Бутэвіча - гэта адказ Валянціну Бойку на яго артыкул  "Электронная «чыталка» супраць папяровай". 

Спадзяёмся, што палеміка, пачатая ў мінулым годзе на старонках газеты "Звязда" працягнецца і сёлета.

 А бібліятэкі для сельскіх жыхароў і сапраўды застаюцца  адзінымі даступнымі і бясплатнымі мясцінамі, дзе можна ціхенька пагартаць часопіс, пагаварыць з бібліятэкарам "па-душы", выпіць кубак гарбаты альбо паслухаць мясцовых артыстаў... Так, як напрыклад, у бібліятэцы аграгарадка "Мнюта".