Профессия библиотекарь

Гісторыя прафесіі

Сучаснасць:

Бібліятэкар 21 стагоддзя – гэта не проста супрацоўнік бібліятэкі, які выдае чытачам кнігі – гэта сувязное звяно паміж мірам інфармацыі, камп'ютарнымі тэхналогіямі і карыстальнікамі бібліятэк.

Бібліятэчная адукацыя – першы крок у авалоданні прафесіяй, пачатак руху да вяршынь прафесіяналізму, шляху, які працягнецца затым праз усё жыццё.

Работа ў бібліятэцы – гэта:

– абслугоўванне наведвальніка: дапамога карыстальнікам у пошуку і выбары дакументаў, іх выдача ў карыстанне на абанеменце і ў чытальнай зале, карыстанне пры  абслугоўванні камп'ютарнымі тэхналогіямі;
– забеспячэнне карыстальнікам доступу да баз дадзеных як набытых, так і уласнай генерацыі;
– выкананне вусных і пісьмовых запытаў карыстальнікаў, складанне бібліяграфічных паказальнікаў;
– камплектаванне фонду бібліятэкі, апрацоўка дакументаў, састаўленне і работа з каталогамі, базамі дадзеных;
– работа па ўліку і захаванню фонду, перавод дакументаў у лічбавы фармат;
–  арганізацыя кніжных выстаў, праглядаў літаратуры, правядзенне масавых мерапрыемстваў і інш.

Бібліятэкар павінен ведаць:

– асновы бібліятэчнай справы і бібліяграфіі;– асноўныя бібліятэчныя і тэхналагічныя працэсы;
– асновы інфармацыйных тэхналогій для арганізацыі дзейнасці ва ўмовах бібліятэк;
– тэарэтычныя і метадычныя асновы фарміравання інфармацыйнай культуры;
– формы, метады індывідуальнай і масавай работы з чытачамі;
– асновы працоўнага заканадаўства;
– правілы і нормы аховы працы і пажарнай бяспекі.

Бібліятэкар павінен умець:

– камуніцыраваць з наведвальнікамі, афармляць і выдаваць літаратуру на дом;
– арганізоўваць выставы, культурна-асветныя мерапрыемствы, гурткі і клубы рознай тэматыкі;
– ствараць і абслугоўваць электронныя каталогі, інтэрнет-сайты;
– прадастаўляць паслугі па захаванню і раздрукоўванню інфармацыі з электронных носьбітаў;
– працаваць з бібліятэчнай дакументацыю.

Якасці, якія забяспечваюць паспяховасць выканання прафесійнай дзейнасці бібліятэкара:

– добрая памяць, якая неабходна для запамінання размяшчэння кніг на паліцах, сюжэтаў прачытаных твораў з мэтай ацэнкі і рэкамендыцыі чытачам;
– досыць хуткае чытанне, якое дазваляе ведаць змест як мага большай колькасці кніг;
– уседлівасць, уменне засяроджвацца на адной дзейнасці, здольнасць да хуткай змены дзейнасці (пры бесперапынным патоку наведвальнікаў);
– уменне хутка пісаць і друкаваць (пры наяўнасці камп’ютэрнага абсталявання);
– камунікабельнасць, карэктнасць у адносінах да ўсіх чытачоў, ветлівасць, спагадлівасць, непрадузятасць; 
– уменне слухаць суразмоўцаў і прызнаваць іх уласную кропку погляду, здольнасць адстаяць уласнае меркаванне без спрэчак і зняваг;
– адказнасць у адносінах да людзей і выкананай працы, пунктуальнасць, дакладнасць;
– адсутнасць эмацыйнага напружання пры працяглай манатоннай дзейнасці (афармленні дакументацыі) або пры адсутнасці суб’ектаў зносін;
– эмацыйная ўраўнаважанасць;
– неабходны абавзковы кантроль за сваімі эмоцыямі, іх праявамі;
– эстэтычнае пачуццё прыгажосці, якое дазваляе найбольш прывабна параіць літаратуру чытачам;
– начытанасць, шырокія веды ва ўсіх абласцях, звязаных з літаратурнымі творамі, аўтарамі.

Якасці, якія перашкаджаюць эфектыўнасці прафесійнай дзейнасці бібліятэкара:

– безадказнасць;
– няўважлівасць;
– эмацыйная нястрыманасць.

Калі вы вырашылі прысвяціць сябе прафесіі бібліятэкара, калі вы хочаце авалодаць спецыяльнымі ведамі, без якіх немагчыма працаваць у бібліятэцы, раім пайсці вучыцца:

УА “Беларускі дзяржаўны ўніверсітэт культуры і мастацтваў”

Спецыяльнасць “Бібліятэчна-інфармацыйная дзейнасць” дае ўнікальную магчымасць навучыцца прафесійна ажыццяўляць пошук, апрацоўку, захоўванне і перадачу інфармацыі, ствараць электронныя інфармацыйныя рэсурсы розных відаў, у тым ліку базы дадзеных, электронныя бібліятэкі, электронныя калекцыі, віртуальныя выставы, мультымедыйныя даведнікі, інтэрнэт-сайты.

Атрымаўшы спецыяльнасць “Бібліятэчна-інфармацыйная дзейнасць”, вы зможаце знайсці прафесійнае прымяненне практычна ва ўсіх сферах.

УА “Магілёўскі дзяржаўны каледж мастацтваў”

Рыхтуе спецыялістаў па спецыяльнасці:
"Бібліятэчная справа” (кваліфікацыя “Бібліятэкар”)