У рэйтэнгу самых папулярных беларускіх мастацкіх кніг 

першае месца займае паэма Якуба Коласа “Новая зямля” (дата напісання 1911 – 1923 гг.). Паэма Я.Коласа з'яўляецца першым беларускім эпічным творам у гісторыі беларускай літаратуры. Яе называюць "энцыклапедыяй жыцця" беларускага сялянства, яна лічыцца класічным творам, а чытачы атрымліваюць асалоду ад цудоўнай паэзіі. Сам аўтар лічыў "Новую зямлю" асноўным творам за ўсю гісторыю сваёй творчасці.

Другое месца адведзена раману У. Караткевіча  “Каласы пад сярпом тваiм” (дата напісання 1965 г.).  Самы цікавы і захапляльны твор беларускай літаратуры, які прымусіць вас на час выпасці з рэальнасці і, не адрываючыся, прагна праглынаць старонкі. Сюжэт апісвае падзеі ў Беларусі, якія адбываліся напярэдадні паўстання Каліноўскага ў 1863 годзе. Галоўным героем выступае Алесь Загорскі, нашчадак багатага шляхецкага роду, які вырас з моцным пачуццём любові да беларускага народа. “Каласы пад сярпом тваім” варта прачытаць не толькі таму, што там патрыятызм і Каліноўскі. Гэта проста вельмі цікавы раман, які лёгка можа стаць асновай для цудоўнага фільма ці серыяла.

Трэццяе месца заняла  аповесць “Альпiйская балада”  Васіля  Быкава (дата напісання 1963 г.). Нездарма “Альпійская балада” ў многіх займае цэнтральнае месца на кніжнай паліцы. Імя Васіля Быкава вядома на ўвесь свет. У сваёй кнізе пісьменнік апавядае пра лёс двух ваеннапалонных – беларуса Івана  і італьянку Джуліі , якім удалося ўцячы з аўстрыйскага лагера. Паміж галоўнымі героямі ўзнікае гарачае і магутнае пачуццё, якое дадае сіл для барацьбы і выжывання. Дадзеная аповесць і праз гады мала каго пакідае абыякавым.

На чацвёртым месцы -   раман “Людзі на балоце” Івана Мележа (дата напісання 1961 г.).  Лірычны раман пра жыццё на Палессі. Апісвае перамены ў глухой вёсцы, якая адрэзаная ад знешняга свету балотамі. Падзеі развіваюцца ў часы калектывізацыі, таму фонам сюжэту служаць шматлікія праблемы соцыума і адносін паміж сялянамі. Тым не менш,  у рамана магутны лірычны складальнік, кніга распавядае нам гісторыю кахання паміж маладымі сялянамі Ганнай і Васілём, глыбока раскрываючы характары герояў. Раман таксама каштоўны падрабязным апісаннем побыту, традыцый і культуры палешукоў, якія да гэтага часу адрозніваюцца ад астатніх беларусаў шэрагам асаблівасцяў.

Пятае месца ў аповесці «Палескія рабінзоны» Янкі Маўра (дата напісання - 1932 г.). Беларускага Жуля Верна - Янку Маўра, які перш за ўсё пісаў для юных чытачоў, можна лічыць заснавальнікам прыгодніцкага жанру ў беларускай літаратуры. Твор, які сёння называюць бэстсэлерам, адна з самых любімых кніг сярод многіх пакаленняў школьнікаў. Пісьменнік  паказаў, што не толькі замежныя краіны могуць быць цікавымі для падарожжаў, але і ў родных мясцінах ёсць шмат займальнага і незвычайнага. Аўтар настолькі пераканаўча піша пра вандроўкі і прыгоды, што ў чытача не застаецца месца для сумневаў: Янка Маўр там быў і ўсё бачыў на свае вочы.

Крыніца : https://poshyk.info/belorusskie-knigi/ 

Усе гэтыя творы – беларуская класіка, гэта – гонар нашай краіны. Спадзяёмся, што вы чыталі  або чулі пра іх. Прапануем яшчэ раз узяць ў рукі адну з гэтых  кніжак і захапіцца цудоўным творам.

26.04.2022,  Татарчук А.М.