З сакавіка бягучага года пачынае працаваць віртуальны праект  “А ведаеце вы, што...”, распрацаваны супрацоўнікамі аддзела бібліятэчнага маркетынгу Глыбоцкай  цэнтральнай раённай бібліятэкі.  Мэта праекта – прыцягнуць  новых  карыстальнікаў  сайта  цікавай і карыснай  інфармацыяй. На працягу года на сайце будзе змяшчацца інфармацыя рознай тэматыкі, якая, спадзяемся, зацікавіць віртуальных карыстальнікаў і яны з цікавасцю будуць сачыць за новымі матэрыяламі.

А ведаеце вы, што...

у 2020 годзе ў кнігарні “Белкніга” (г. Мінск) часцей за ўсё куплялі раман Наталлі Батраковай “Бесконечность любви, бесконечность печали” (другая кніга) - усяго было прададзена 399 асобнікаў.

На другім месцы - беларускі пераклад А.Пятровіч рамана Дж. Роўлінг “Гары Потэр і філасофскі камень” - 333 асобнікі.

      Калі казаць аб Наталлі Батраковай, у продажы асаблівай папулярнасцю карыстаюцца чатыры яе кнігі. Так,  на першым месцы -  “Бесконечность любви, бесконечность печали” (другая частка рамана).  На другім - “Миг бесконечности” (другая кніга),  усяго было прададзена 102 асобнікі, на трэцім - “Момент бесконечности” (першая кніга) - 100 асобнікаў. А першая кніга рамана “Территория душы” разышлася накладам у 70 асобнікаў. Дарэчы, раман-дылогія “Территория душы” быў напісаны  ў 2002 г. І штогод актыўна прадаваўся і чытаўся.

Не менш  папулярным была пісьменніца і ў 2019 годзе. За ўвесь 2019 год больш чым у 100 крамах, павільёнах, кіёсках ААТ “Белкніга” прададзена 1466 экзэмпляраў другой кнігі рамана Наталлі Батраковай “Бесконечность любви, бесконечность печали” (выдадзеная выдавецтвам “Икселент”), гэтага драматычнага, напоўненага звычайным і часам незвычайным чалавечым жыццём твора. Дарэчы, агульны тыраж менавіта другой кнігі рамана “Бесконечность любви, бесконечность печали” - 4 000 экзэмпляраў. Усяго ў 2019 годзе “Белкніга”  рэалізавала 2 358 экзэмпляраў кніг Наталлі Батраковай.

     У лік лідэраў 2020 года  увайшла і кніга “Залатыя правілы народнай культуры” А. Катовіча, І. Крук - трэццяе месца. Гэта калекцыя налічвае больш за дзесяць выданняў і ў гісторыі сучаснага кнігавыдання Беларусі - адзін з самых паспяховых праектаў.  

На чацвертым месцы- “Буквар для дашкольнікаў” В.Лявонцьева, кніга-пераможца  Нацыянальнага конкурсу “Мастацтва кнігі-2019” у намінацыі “Падручнік новага веку”. Кнігагандляры прадалі 247 асобнікаў.

Заг. АБМ Татарчук А.М.

23.03.2021