У нас самыя лепшыя чытачы!

Самыя разумныя. З літаратурным густам. І самыя шчодрыя!!!

“Кнігі не павінны стаяць дома на палічках і пыліцца. Яны павінны чытацца”, – дзеліцца сваімі думкамі наша чытачка Ірына Данільчык. Ірына Вячаславаўна прыязджае ў нашу бібліятэку (і не толькі нашу) заўсёды з падарункамі. Як апантаны аматар літаратурнага слова, яна купляе кніжныя навінкі, чытае і аддае ў бібліятэку. “Каб іх старонкі ажывалі!”

За такія шчодрыя падарункі мы вельмі ўдзячны і Ірыне Данільчык, і многім глыбоцкім чытачам, якія, прачытаўшы кніжныя выданні, нясуць іх бібліятэку.

Шмат чытачоў дзеляцца сваімі даўнімі набыткамі – ужо рарытэтнымі кнігамі аўтараў-класікаў.

Наогул, за апошні час нашы бібліятэчныя паліцы папоўніліся самай разнастайнай тэматычнай літаратурай: па псіхалогіі і па вывучэнні замежных моў, раманамі розных жанраў і дакументальнымі творамі… Такіх кніг – сотні!

Шчыра дзякуем усім, ад каго мы атрымалі такі каштоўны дар!

Аддзел абслугоўвання і інфармацыі
Глыбоцкай цэнтральнай раённай бібліятэкі.