У Падсвільскай гарпасялковай бібліятэцы адбылося свята ручніка “ПОВЯЗЬ ЧАСОЎ – БЕЛАРУСКІ РУЧНІК”.

22.04.15

Што гэта такое - ручнiк? Гэты, на першы погляд звычайны адрэзак тканіны, з'яўляецца сакраментальнай рэччу, якая адлюстроўвае філасофію і светапогляд народа, яго духоўнасць, творчыя памкненнi i мастацкае светаўспрыманне. Ручнік праходзіць праз усё жыццё чалавека: бабка-павітуха прымае на ручнік народжанае дзіця, бацькі сустракаюць маладых хлебам-соллю на ручніке, пайшоўшага з жыцця на ручніках апускаюць ў магілу... Ва ўзорах тканых і вышываных вырабаў зашыфравана жыццё людзей і прыроды, гісторыя радзімы і сям'і. 

Вось аб гэтым ішла размова на свяце ручніка. Госці бібліятэкі прынеслі свае ручнікі. Кожная жанчына расказала аб з'яўленні ў сям'і гэтай рэчы, станаўленні ручніка сямейнай рэліквіяй, аб традыцыях яго ўжывання ў будні і святы...