25.02.20

 21 лютага адбылася першая вытворчая нарада   сярод бібліятэкараў ДУК “Глыбоцкая ЦБС” ў гэтым годзе.

Пачалася яна з падвядзення вынікаў работы за 2019 год. Трэба адзначыць, што ўсе бібліятэкі ( а іх 26 у сістэме), у асноўным, выканалі свае асноўныя паказчыкі: карыстальнікаў – на 100,7 %; наведванні – на 101,8% і дакументавыдачы - на 101,5 % па сістэме. Не выкананы застаўся толькі план платных паслуг – 88,4%, але на тое былі аб’ектыўные і суб’ектыўныя прычыны. Паступіла 9 824 экз. і спісана 18 045 экз. літаратуры. Праведзена за год шмат мерапрыемстваў па розных напрамках работы, але больш за ўсё – па краязнаўству. І гэта зразумела чаму, бо 2019 год быў аб’яўлены Годам малой радзімы. Рэалізоўваліся бібліятэчны праект “Мой родны край Глыбоччынай завецца” і 15 мэтавых праграм. Працавала 19 клубаў і адно аматарскае аб’яднанне. Трэба адзначыць і поспехі. Глыбоцкая цэнтральная раённая бібліятэка ў У Рэспубліканскім конкурсе “Бібліятэка – цэнтр духоўнай асветы і выхавання” у намінацыі “Гісторыя праваслаўя роднага краю” сярод раённых і гарадскіх бібліятэк заняла І месца. Дзякуючы спонсарскай дапамозе “Белаграпрамбанка” бібліятэчная сістэма папоўнілася 9 камп’ютарамі. У Удзелаўскай бібліятэцы ідзе касметычны рамонт.

21 лютага - Дзень роднай мовы. Менавіта ў гэты дзень, на чарговую нараду, запрасілі  беларускага пісьменніка, члена Саюза беларускіх  пісьменнікаў Франца Сіўко. Майстар слова прадставіў мультымедыйную прэзентацыю аб сваім жыцці і творчасці. Расказаў пра сваё дзяцінства, якое прайшло на Міёршчыне, юнацтве, падарожжах па свету, тэмы з якіх браў для сваіх твораў “Удот”, “З чым прыйдзеш…”, “Ягня ахвярнае”, “Дзень Бубна” і нш.

Пасля сустрэчы былі падведзены вынікі бібліятэчнага конкурса “Зімовая казка ў бібліятэцы”, у якім прынялі ўдзел 15 бібліятэк. Завяршылася нарада агульнанацыянальнай дыктоўкай. Бібліятэкары праверылі  сваю граматнасць па беларускай мове.