Адным з  напрамкаў дзейнасці бібліятэк ДУК “Глыбоцкая ЦБС” заяўлена фарміраванне нацыянальнай самасвядомасці насельніцтва, садзейнічанне развіццю беларускай культуры, мовы літаратуры, культурнаму правядзенню вольнага часу. Гэта цалкам упісваецца у агульную канцэпцыю Года якасці, абвешчанаму ў Беларусі —  фарміраванне ў грамадзян асабістай адказнасці за дасягненне высокай якасці жыцця (дастатковы ўзровень даходу, своечасовая дыспансерызацыя, здаровае харчаванне, добрая адукацыя, культурны вольны час)".

Задача бібліятэк – якасна інфармаваць наведвальнікаў аб эканамічным і сацыяльна-культурным стане нашай краіны, найбольш вядомых і эффектыўных прадпрыемствах, адукацыйным, турыстычным і культурным патэнцыяле Беларусі, вядзенні здаровага ладу жыцця і яго бяспецы.

На пачатку 2024 года ў бібліятэчнай сістэме быў абвешчаны бібліятэчны чэлендж “Якасная інфармацыя ў Год якасці”. Для падрыхтоўкі выстаў былі распрацаваны метадычныя рэкамендацыі “Работа бібліятэк у Год якасці”. Бібліятэкарам рэкамендавалася змяшчаць на выставах інфармацыйныя матэрыялы: Указ Прэзідэнта Рэспублікі Беларусь аб аб'яўленні Года якасці, "Якасць  гэта — ...", "Брэнды Беларусі", "Брэнды Глыбоцкага раёна", "Установы і прадпрыемствы Глыбоцкага раёна", "Турыстычны патэнцыял нашага раёна", "Чытаем якасную літаратуру", наглядны матэрыял (ілюстрацыі, фотаздымкі, інфаграфіку) і інш.

Першай распачала чэлендж Глыбоцкая дзіцячая бібліятэка. Выстава стала наглядным прыкладам для афармлення тэматычных выстаў і паліц. Работнікі  філіялаў творча, з улікам бібліятэчнай прасторы, наяўнасці літаратуры і  інфармацыйных матэрыялаў  арганізавалі кніжна-ілюстратыўныя выставы і паліцы. Напаўненне выстаў будзе мяняцца з улікам з'яўлення новых дакументаў і матэрыялаў.