Так называецца выстава работ Згірскай Алены Антонаўны, якая размясцілася ў файе Глыбоцкай цэнтральнай раённай бібліятэкі.

Згірская Алена Антонаўна – вядомы майстар не толькі на Глыбоччыне, але і ў вобласці. Яе работы дэманстраваліся на гарадскіх, раённых мерапрыемствах, выставах горада майстроў на міжнародным фестывалі “Славянскі базар у Віцебску”.
Неаднаразова арганізоўваліся выставы яе работ у Доме культуры і бібліятэцы, адукацыйнай школе роднай вёскі Удзела.
У красавіку 2022 года вышываныя вырабы выстаўляліся ў Падсвільскай гарпасялковай бібліятэцы.

Сёння жыхары і госці горада Глыбокае могуць пазнаёміцца з часткай работ Алены Згірскай. На выставе можна ўбачыць прыгожую вышыўку і лапікавае шыццё, якім Алена Антонаўна захапілася 7 год назад. І атрымаліся цудоўныя работы!

Запрашаем усіх жадаючых зайсці ў цэнтральную раённую бібліятэку і бліжэй убачыць і  дакрануцца да работ, ацаніць і захапіцца таленавітасцю майстра.

 09.06 2022 г.,  Татарчук А.М., загадчык аддзела бібліятэчнага маркетынгу.