У файе Глыбоцкай цэнтральнай раённай бібліятэкі адкрылася выстава работ “Майстэрства рук і сэрца” чатырох таленавітых жанчын, майстроў з гарадскога пасёлка Падсвілле.

Арлова Таццяна Пятроўна.  Прадстаўлены 9 карцін, вышытыя ў тэхніцы крыжыка. Усе яны дзіўна прыгожыя і выкананы з высокім узроўнем майстэрства. Вышыўкай Таццяна Пятроўна займаецца толькі 6 гадоў, да гэтага захаплялася вязаннем. Што можна паказаць з дапамогай аднаго крыжыка? Але калі яны ўкладваюцца ў малюнак, атрымліваецца сучасны твор мастацтва.

Садоўская Валянціна Венедыктаўна – майстар па вышыўцы. Першыя карціны вышываліся на адным дыханні. Не адчуваючы часу і стомы, сядзела над імі да раніцы. Горныя пейзажы, зялёныя лужкі, букеты кветак, дзяўчаты ў нацыянальным убранні, матылькі ў фармаце 3D… Усё, да чаго ляжала душа, майстрыха пераводзіла ў каляровыя ўзоры з нітак. Час ад часу займаецца бісерапляценнем. Але ўсё ж перавагу аддае вышыўцы. Вы можыце пазнаёміцца з яе  карцінай “Паўлін”.

Лагош Валянціна Дзмітрыеўна -  член клуба народных майстроў “Спадчына”.  Яна  знаходзіцца ў пастаянным пошуку, адкрывае для сябе і асвойвае новыя віды рукадзелля. У дадзены момант Валянціна Дзмітрыеўна захапілася ашыбанай. Гэта жывапіс, выкананы з выкарыстаннем раслін, загаддзя сабраных і высушаных па асаблівай тэхналогіі. Бясспрэчна, тварыць прыгажосць, абапіраючыся на фактуру прыроды, гэта няпростае мастацтва. Але майстру ўдалося раскрыць прыгажосць кветак, раслін, нават у сухім відзе.

Барзакоўская Лілія Сямёнаўна – актыўны ўдзельнік выстаў, якія арганізоўваюцца ў культурных установах г.п. Падсвілле. Займаецца шыццём даўно, але ў апошні час  выкарыстоўвае  новую тэхніку -  пэчворк ( ласкутнае шыццё). Часта выконвае вырабы на заказ. Шматлікія яе работы можна ўбачыць у спецыялізіраваных магазінах г. Мінска.

Запрашаем Вас  наведаць бібліятэку і бліжэй пазнаёміцца з  цудоўнымі работамі  таленавітых  майстроў!

Татарчук А.М., загадчык аддзела бібліятэчнага маркетынгу ЦРБ