26.11.2021

У Глыбоцкай раённай бібліятэцы з 26 лістапада  дзейнічае выстава "Незвычайная выцінанка".

Аўтар — Алена Шаліма.  

Мінчанка, радыёінжынер, унучка прафесійнага фотакарэспандэнта, яна з дзяцінства  займаецца фатаграфіяй і звыш 20 год стварае выцінанкі.

Творчыя пошукі аўтара вельмі рознастайныя, але найбольш выразнымі і запамінальнымі з’яўляюцца тэмы дойлідства і міфалогіі. Акрамя таго, майстрыха распрацоўвае сюжэт рушнікоў у выцінанке.

Алена Шаліма — член Беларускага саюза народных майстроў і мае званне "народны майстар", з'яўляецца членам Беларускага саюза дызайнераў.

Удзельніца шматлікіх выстаў народных майстроў у Беларусі,  Расіі, Літве, Польшчы.

Работы Алены знаходзяцца ў калекцыях музеяў і домаў рамёстваў па ўсёй Беларусі.

Прадстаўленыя ў бібліятэцы работы толькі невялікая крыха багатай творчай працы майстрыхі.

Запрашаем усіх, хто цікавіцца беларускім народным мастацтвам на сустрэчу з выцінанкай незвычайнай!