У Падсвільскай гарпасялковай бібліятэцы адбылася прэзентацыя выставы Валянціны Дзмітрыеўны Лагош “Вітражы творчасці”.

Валянціна Дзмітрыеўна з'яўляецца членам клуба народных майстроў «Спадчына» і з'яўляецца пастаяннай удзельніцай раённых творчых выстаў клуба.  

Майстар знаходзіцца ў пастаянным пошуку, адкрывае для сябе і асвойвае новыя віды рукадзелля, самастойна вывучыла тэхніку дэкупажу і роспісу шкла, квілінга, ашыбаны (фларыстыкі).

Персанальная выстава Валянціны Дзмітрыеўны ў сценах Падсвільскай бібліятэкі ўжо чацвёртая. На гэты раз майстар прадставіла серыю работ на фаўністычную тэму, а менавіта — птушкі.

Усе работы выкананы ў розных тэхніках: малюнак, барэльеф, квілінг, аплікацыя бісерам, скурай, прыроднымі матэрыяламі.

Нам вельмі прыемна, што наша невялікае Падсвілле мае столькі таленавітых людзей, якія маюць свой погляд на наваколле і дзеляцца ім з землякамі!