Для ўдзельнікаў летняга лагера ДУА "Празароцкая сярэдняя школа Глыбоцкага раёна ім. І.Ц.Буйніцкага" “Празоры” праведзена гульнёва-забаўляльная праграма “Краіна дзяцінства на планеце Зямля”  з віктарынай “Казкі нашага дзяцінства”, атрыманнем тэлелеграм ад казачных герояў, складваннем пазлаў.

У рамках акцыі “Шаг к успеху” бібліятэкар абагульніла меркаванне важнасці кнігі ў жыцці чалавека і чытання як сродка  дасягнення поспеха.

         Завочнае падарожжа ў Белавежскую пушчу адбылося як сустрэча з кнігай “Белавежскае дзіва” (выдавецтва “Беларусь”, 2009 год). Яго аўтары — навуковы супрацоўнік Бярэзінскага біясфернага запаведніка Ігар Бышнёў і навуковы супрацоўнік Нацыянальнага парку “Белавежская пушча” Мікалай Чэркас. Выпушчаны фотаальбом да 600-годдзя існавання запаведнасці пушчы.У альбоме пяць раздзелаў, якія распавядаюць пра гісторыю і сучаснасць прыроднай жамчужыны  края. Адметнае месца займаюць ілюстрацыі белавежскага цара — зубра, а таксама краявіды першабытнага лесу. Унікальныя фотаматэрыялы расказваюць пра наведванне пушчы знакамітымі асобамі.  У другой палове мерапрыемства ўдзельнікі малодшай групы прачыталі вершы беларускіх паэтаў, прысвечаныя “Зубровай дзяржаве”, затым адбыўся прагляд відэафільма “Беловежская пуща: рассказ для детей" і віктарына “Жывёлы Белавежскай пушчы” з квэст-гульнёй.

На закрыцці летняга лагера бібліятэкар падаравала дзецям фотаздымкі з мерапрыемстваў чэрвеня “Празоры” у краіне “Чыталія” і пажадала добрага прадоўжання адпачынку -  з кнігай у тым ліку.

Бібліятэкар                              В.І.Бурэнь