Дзень адчыненых дзвярэй “Пусть книги друзьями заходят в дома» прайшоў у Шунеўскай бібліятэцы ў Дзень бібліятэк Беларусі. Для чытачоў былі прапанаваны выставы “Любімыя кнігі бібліятэкараў” і “Што чыталі нашы бацькі”. Ну, а галоўнымі гасцямі ў гэты дзень былі, вядома ж, першакласнікі. Традыцыйна ў гэты дзень яны становяцца чытачамі бібліятэкі.

Спачатку дзеці пазнаёміліся з бібліятэкарамі, а затым адправіліся ў падарожжа па кніжных пакоях. Пабываўшы на абанеменце, пазнаёміліся з кнігамі для свайго ўзросту. Убачылі, якія маляўнічыя і, падчас, незвычайныя вокладкі ў кніг. Успомнілі, як правільна абыходзіцца з кнігай і выбралі для сябе свае першыя кніжкі.Затым адправіліся ў кнігасховішча. Там “памераліся сіламі”, патрымаўшы самыя цяжкія энцыклапедыі.

        У чытальнай зале бібліятэкары расказалі невялікую гісторыю, як з’явіліся  кнігі. Затым пазнаёмілі дзяцей з цікавымі энцыклапедыямі для іх узросту. З дапамогай мабільнага тэлефона агучвалі кнігі, якія ўмеюць “размаўляць” і ажыўлялі персанажаў, якія могуць “ажываць”.

Юным чытачам быў прапанаваны  агляд дзіцячых часопісаў, якія прыходзяць у бібліятэку,потым  адгадгавалі загадкі і выконвалі розныя заданні, якія можна знайсці на  старонкахгэтых выданняў.

На развітанне дзеці, акрамя цудоўнага настрою, атрымалі салодкія падарункі і размалёўкі на тэму кніг і бібліятэкі.

                                        Заг.бібліятэкі   І. Нікіфаровіч