2023 год у Беларусі аб’яўлены Годам міра і стварэння.

Гэтай важнай тэме прысвечана  пазнавальная вандроўка “Падсвілле гістарычнае”, якую арганізавалі і правялі работнікі Падсвільскай гарпаселковай бібліятэкі для сваіх чытачоў. 

 

Пачалася вандроўка ля брацкай магілы савецкіх воінаў і партызан, якая  знаходзіцца ў цэнтры пасёлка. На гэтым месцы ў 1962 годзе пастаўлены помнік – скульптура воіна.

 

Прадоўжылася -- па вуліцах мястэчка з наведваннем школьнага краязнаўчага музея. Цікавую і пазнавальную экскурсію па музею правяла настаўніца Падсвільскай школы Пасюк Таццяна Іосіфаўна.